Soundgarden endaðu konsertina í gjárkvøldi við 'Slaves & Bulldozers' (upprunaliga av plátuni Badmotorfinger frá 1991). Tá teir spældu sangin live plagdi Chris Cornell stundum at ad-libba brot úr gamla blues/gospel sanginum 'In My Time of Dying' (sí 6:00 í upptøkuni omanfyri). Fyrimyndirnar í Led Zeppelin tulkaðu eisini sangin í velmaktini og høvdu hann enntá við á stórfingnu dupultplátuni Physical Graffiti (1975). Soundgarden góvu sína egnu dupultplátu út í 1994. Hon æt Superunknown, men tá var fløgan vorðin standard ljóðformat og hetta við dupult ella stakplátum hevði ikki longur so nógv at siga. Men í longd, vavi og huglagi er hon ein dupultpláta. Ein ræðuliga góð ein av slagnum skal sigast.
Í 2013 var eg á konsert hjá Soundgarden eitt mánakvøld í Forum í Keypmannahavn. Tað var ein misjøvn uppliving, har vánaligu ljóðumstøðurnar í Forum gjørdu sítt. Bólkurin tóktist heldur ikki ordiliga upplagdur, tó at teir í løtum vístu veruligt format. Tá var eg mintur á dygdirnar og dróg eisini onkrar mentalar parallellir til júst Led Zeppelin. Soundgarden vóru saman við Nirvana, Pearl Jam og Alice in Chains flokkaðir undir grunge rákið úr Seattle, men tá teir vóru uppá sítt besta vóru teir tíðarleysari enn so. Í dag postar Jimmy Page hesi boðini:
RIP Chris Cornell— Jimmy Page (@JimmyPage) May 18, 2017
Incredibly Talented
Incredibly Young
Incredibly Missed. pic.twitter.com/pKNI4tKiXz
'In My Time of Dying' kann slóðast aftur til blues menn sum Blind Willie Johnson og Charley Patton, og gjøgnum árini hava eitt nú Bob Dylan, Led Zeppelin, Martin L. Gore, Alvin Youngblood Hart og 77s gjørt sterkar tulkingar av hesum tíðarleysi sangi. Eg var sjálvur rúnarbundin av sanginum einaferð, og hann kom tí við á mína aðru plátu The Desert Holds A Flower (Tutl, 2009). Fyri meg tekur hann seg út sum ein sálmur fyri tey eksistentielt heimleysu. Niðanfyri havi eg viðfest ein playlista við ymsum útgávum av sanginum.
Ein mikið rámandi og álvarsamur sangur til gerandis, og eg havi ikki orð fyri hvussu rámandi og álvarsamur hann kennist í dag. Hetta gjørdist eitt nýtt kapitul í søguni um 'In My Time of Dying'. Hvil í friði, Chris Cornell.
In my time of dying
ain't gonna cry anymore
all I need for you to do
is to drag my body home
well, well, well,
so I can die easy
well, well, well
Jesus gonna make up my dying bed
Meet me Jesus, meet me
meet me in the middle of the air
if my wings should fail me lord
won't you meet me with another pair
so I can die easy
well, well, well
so I can die easy
well, well, well
Jesus gonna make up my dying bed
Comments
Post a Comment